دانلود کتاب Ladismith 'n eeu oud : gedenkskrif by die eeufees van die Gemeente Ladismith, K.P.

Waar die gemeente Ladismith, K.P., in hierdie jaar honderd jaar bestaan, het die Kerkraad die noodsaak-likheid gevoel om `n feesboekie vir die geleentheid uit te gee. Hierdie boekie moet dan in die eerste instansie `n feesboekie wees. Dit moet deur die gewone lidmaat geniet en bekostig kan word. Daarom is hierdie taak nie opgedra aan `n geskiedenisnavorser van buite nie, en maak hierdie boekie nie daarop aanspraak om `n volledige geskiedbeskrywing te bevat van alles wat in die afgelope honderd jaar in die gemeente plaasgevind het nie.

Daarenteen ag die Kerkraad hom besonder gelukkig dat Ds. W. T. Badenhorst sy weg oopgesien het om te midde van drukke gemeentelike werksaam-hede so `n feesboekie in gereedheid te bring. Die Kerkraad kon seker nie `n bekwamer persoon vir die opstelling vau so `n feesboekie gevind het nie, daar hy bekend is met al die gemeentelike werksaamhede en toegang gehad het tot al die nodige bronne.

Hiermee ons hartlike dank aan Ds. Badenhorst. Die Kerkraad het die vrymoedigheid om die boekie by almal aan te beveel. Mag dit ten minste in elke huis sy ereplek vind en daartoe bydra, nie alleen om ons tot dankbaarheid te stem vir die verlede nie, maar ook om ons met nuwe toewyding te besiel vir die toekoms.