دانلود کتاب MISINGI YA IMANI: MAFUNDISHO YA KIBIBLIA KUHUSU IMANI YA KIKRISTO (THE WESTMINSTER CONFESSION OF FAITH AND LARGER CATECHISM)

Tafsiri ya kitabu hiki imezingatia muktadha wa kanisa la Tanzania na Afrika kwa ujumla. Katika kuzingatia muktadha huu, niliamu kuviunganisha vitabu vyote viwili ili kiwe kitabu kimoja. Baada ya kushauriana na Wachungaji kadhaa, niliamua kuviita kwa jina moja, “Misingi ya Imani: Mafundisho ya Msingi ya Kibiblia kuhusu Imani ya Kikristo.” Kwa jina hili, haimaanishi kwamba kuna mabadiliko yoyote ya ujumbe au muundo wa ndani, bali ni kitu kilekile isipokuwa nimeangalia muktadha wetu. Pamoja na kuzingatia muktadha, hata hivyo nimezingatia pia tahajia ya awali, bila kupoteza maana ya msingi.
Mwishoni mwa kitabu hiki nimeambatisha imani ya mitume, imani ya Nikea, Sala ya Bwana na Amri Kumi za Mungu. viambatisho hivi havipo kwenye lugha chanzi ya vitabu hivi lakini nimeona ni vyema kuviweka kwa sababu ya ufupisho wake wa imani ya Kikristo.
Nawashukuru wote ambao walinitia moyo na kuniombea katika kutafsiri vitabu hivi. Nawashukuru pia wale ambao wamesaidia uchapishaji wa kitabu hiki. Nawashukuru wamishenari wote wanaofanya kazi nchini Tanzania, bila kuwasahau kwa upekee wamisionari wa Korea Church Mission Tanzania (KCM) kwa umoja wao na ushirikiano na subira ya kutamani kitabu hiki kichapishwe ili kitumike katika makanisa ya Tanzania.
Daniel John Seni
Calvin Graduate School of Theology
Seoul, Korea Kusini
Desemba 2020